Mein es blog may hamesha eska khyal rakhta hun ki yahan likhay janay walay aamal o wazaef jitna mumkin ho sahal ho.kiyu k mujay maloom hain mera ye blog har ek darjay k log parh rahay hain.aalim hafiz say lay kar ek aam banda bhi parh raha hain.Quran e pak may Allah nay har bat ka hal rakha huva hain.hamarai nazar usmay hal dhudhnay k kabil ho.
Aaj kal logo ki mulazimat ja rahi hain aur ja kar dusri milna mushkil ho rahi hain.ye puray aalam ka haal hain.yahan esi bat ko madd e nazr rakhtay huvay mainay ye wazifa likhnay ka irada kiya hain ki main meray blog readers ko uskay masael k hal may madad kar paun,khas kar rogzar k masael ko hal karnay may.kiyu k aaj kal may roti hi barha mas’ala bani hui hain.aur mard o khwateen ka chain chhin liya hain.wajah to kai saari hain lekin ek wajah bazat ham khud hain.chadar say ziyaada pair faylaye huvay hain.Loan aur EMI k chakkar may fasay huvay hain.har khushi ko udhar par hasil kar rahay hain.
Esi ka ye natija hain ki aamdani hotay huvay bhi nazar nahi aarahi hain.aur har ek din tention ka din banta ja raha hain.ye kaisy khushi hamnay kharidi Emi par? Jara sochyega.
Khair Allah sab k liye aasaniya paida karay ye hi dili dua hain.yahan main aaj ek qurani wazaef likh raha hun jo khas jin hazarat ko naukri nahi mil rahi hain unkay liye khas hain aur ye hi wazifa jin hazrat ki naukari chali gayi hain ya chali janay ka dar hain unko bachanay k liye bhi kam dega.
Allah k siva kissay ummid rakh saktay hain wo hi hamara behtar kaar saaz hain.wo hi hamay behtar sila denay wala hain.apnay habib e kareem k tufayl wo zaroor sab ki dua kabool karega jo bhi ye wazifa parhaega mayoos nahi karaega.insha Allah.
Ab main tareeqa likh raha hun…
Parhez esmay sirf intna rakhay ki jahan tak mumkin ho halak ka luqma khaye namaz parhay kisi ka haq na maray aur gunah say bachay.pak saf raha karay.wazifa may namaz shart hain phir bhi kabhi kisi sabb kaza ho jaen to wazifa parhlay.namaz kaza karlay.
Amal agar nauchandi jumerat ya urooj mah may karay to behtar hain lekin koi shart khas nahi ki urooj may main hi parha jaen.agar zaroorat hain to kisi bhi din say shuru karday.Allah ka kalaam hain khali nahi jaegi aapki mahnat..!
Shuru fajr ki namaz say hoga yani bad namaz e fajr aap
21---21 martba durood e pak parhlay
Phir 21--21 martba 4ro Qul sharif parha karay..!
Yani surah e kafiroon,surah e ikhlas,surah e falaq aur surha e naas sharif parhay.
Phir zohar may 22--22 durood e pak aur esi tadad may yani 22--22 martba 4ro Qul sharif parhay.
Phir Asr may 23--23 martba durood e pak aur esi tadad may 4ro Qul sharif parhay.
Magrib may 24--24 martba durood e pak aur esi tadad may 4ro Qul sharif parhay.
Phir bad namaz e isha 25--25 martba durood e pak aur esi tadad may yani 25--25 martba 4ro Qul sharif parhay aur Allah say apnay maqsad ki dua mangay.
Ye ek din ka wazifa huva yun aapko 7 din karna hain zarooratan 14 aur aakhri miyaad 21 din hain aesa ho hi nahi sakta ki es darmiyan may aapko mulazimat na milay.balki tajorba to hain ki aapko darmiyan may hi yani awwal 7 din may hi samnay say mulazimat mil jaegi.aur jo din bachay ho wo pura karlay yani agar 5-6 din may mil gayi to 7 din mukammal karlay aur shukrana k taur par karay aur dua karay ki Allah nay jo ye mulazimat ata ki wo aapkay liye bahot khushi ka baes banay.
Agar dusra chilla kar rahay hain yani 8-14 ka to usmay bhi baki k din yani 14 din complet karay aur zarooratan 3ra chilla ho to 21 din complet karay chahay kisi bhi din 15 say 21 k darmiyan mulazimat mil gayi ho.
Bismillah sharif agar har surah k pahlay parhay to bahot behtar hain lekin ye bhi sharaet say nahi.tadad ka jahan tak mamla hain usmay kami beshi na ho ye khyal rakhay to bahot jald kamyabi hasil ho jaegi.
Ummid hain aapko ye wazifa samaj aagaya hoga aur agar koi bat na samj aaen to Aap mujay Haziraat92@gmail.com par mail kar saktay hain ya phir fb par massage kar saktay hain.www.facebook.com
Aapki duaon ka talib Amil Samarali
Read more: https://rohaniamliat.blogspot.com/#ixzz7gSLkjl3P