Aaj k Daur may mandi ka mahool chal raha hain har koi eski maar say dochaar hain.main khud bhi es say alag nahi hun kiyu k main bhi karobar liye baitha hun aur meray sath kai afrad k rizq ka sawaal bhi juda huva hain aur Razziq mujay unhi bando aur meri aulad k sabb apna karam farma raha hain.main to ek daanay k laayik nahi aur wo mujay man o maan deta khilata pilata hain.meray rabb ka bahot shukr ada karta hun.
ye totka mainay aazmaya hain aur essay mujay fark mahsoos ho raha hain.to meray dil may khyal aaya ki meray jaisay to kai banday hongay jo meri tarha karobar hotay huvay bhi parayshan hongay?aaj ka ye tareeqa main un kamzor dukandaro chotay karkhanay chalanay walo k liye pesh kar raha hun.wo esko karay aur es kamzor waqt may Gaibi Imdad hasil karay aur jo bhi bhai es tareeqay say faeda hasil karay wo meray liye khas dua karay aur kam say kam do garib mohtaj ko pet bhar khana khilaye.ye hi es amal ki zakat hain aur eskay bad ijazat hain.
har kaum o millat mazhab k log esko kar saktay hain.bas garib aur bhuko ko kabhi apnay dar say khali na jaanay day.Allah bhi aapko uskay dar say kabhi khali nahi lautaega.
tareeqa yun hain ki jo image may naqsh hain us naqsh ko aap sharf e qamar may ya phir chand nazar aanay pe jo pahla itwar ya jumerat ya jumua ya peer ko tuloo aftab k waqt zafran w arq gulab say likhlay aur likhtay waqt pak saf ho aur chand agarbattiya bhi roshan karlay.
jab naqsh pur karay to pur kartay waqt dil hi dil may
یا دیّان
Ya Dayyanu
ka wird kartay rahay.jab naqsh mukammal pur karlay to usko khub agarbatti ka dhua day jo khushburdar agarbatti ka ho.naqsh ko tape ya plastic say achay say pack karlay.
dukandar yani malik jahan par apni baithnay ki jagah muqrrar kiya huva hain us jagah k nichay karib ek foot ka gadda khoday aur ek choti si kulhad[choti matki]jo mitti ki hoti hain.lay aur dhakkan bhi ho.
sab say pahlay usmay 11 adad gulab k phool jo deshi ho khushbudar ho.wo dalay aur uskay upar naqsh rakhay aur 11 adad supari naqsh k upar rakhay aur ajwaen 11 chamach uspay dalay aur 11 chamach deshi ghee uspar daalay aur phir dhakkan rakh kar usko acchay say kacchay soot ya nadachhadi say bandhay aur es kulhad ko phir agarbatti ka bakhoor day aur phir gadda jo pahlay say tayyar hain usmay rakh kar mitti dal kar achay say pack karday.
bas amal tamaam huva.insha Allah aesi taskheer hogi ki grahik aur orders gaib say aanay shuru ho jatay hain.
ummid hain aap esko zaroor karaengay aur muj gunahgar aur meray murshid k haq may duayen karaengay...!
koi bat na samj aaye to aap haziraat92@gmail.com pe rabita kar saktay hain.