EK PUR TASEER NAQSH IMDAD GAIBI-TASKHEER KHALQ AUR WUS'AT E RIZQ K LIYE

Ye ek pur taseer naqsh hain aur aapko jara si mahnat say ye naqsh taskheer e khalaek aur rozi may taraqqi ata karaega.
wo log jo samaj may izzat hasil karna chahtay hain aur maali taur pe taraqqi chahtay hain unhay es naqsh ki zakat zaroor ada karni chahiye.
mainay bhi es naqsh say kafi kuch hasil kiya hain.kiyu k mujay meray murshid e pak nay es naqsh ki zakwat ada karnay ka hukm diya tha.khair wo din tareekh aur qawaed sharaet khas k sath aur mainay es naqsh k israr ko murshid k karam say paya hain.
aap sab k liye yahan ek aasan sa tareeqa likh raha hun jiskay sabb aap ba aasani faeda utha paen aur muj khadim Amil Samar Ali k haq may aur murshid k liye dua e day...!
waisay to ye zakat aap kisi bhi nek din say shuru kar saktay hain lekin nauchandi jumerat say karay to behtar hain.
jo naqsh image may diya huva hain usko rozana aap 27 martba kisi bhi orange ya red sketpen say likhay.aur har ek naqsh ki alag alag goli bana kar aesay pani may daal aaen jismay machhliya ho.
agar rozana dalna mumkin nahi to ek week ki ek sath goliya bana kar dal saktay hain.
goliya bananay k liye jo naqsh hain usko mod kar choti goli banalay aur upar aata laga kar band karliya jaen ye goli ho gayi.
ab rozana k naqsh rozana pani may dalna hain to hi rozana tayyar karay agar ek week ki ek sath dalnay ka irada hoto jis dil dalni ho tab ek sath hi aatay may lapayt kar tayyar ki jaen.warna naqsh w goli kharab ho jaegi.
jo bhi naqsh rakhay usay sambhal kar rakhay koi naqsh gum ho jaen to zakat bekar ho jaegi.tadad rozana ki muqrrar rakhay.
aesi kai sharaet hoti hain amaliyat may jo har ek likhna mumkin bhi nahi hoti phir bhi jo zaroori hain wo likh di hain.baki sharaet to un logo ko k liye hoti hain jisko baqaedgi say amaliyat sikhna aur karna hain.
28 din tak rozana likhna hain.bas 28 din bad kisi garib ko kuch khana khila dijye aur phir rozana 3 naqsh likha karay.taki amal ka asar bar karar rahay.
naqsh ki chal image me blue colors k chotay numbers say samjayi gayi hain.
koi bat daryaft karni  hoto aap mujay haziraat92@gmail.com pe mail kar saktay hain aur 
https://www.facebook.com/amil.samarali pe msg bhi kar saktay hain.
#koi parhez nahi.agar badbudar ashya jaisay kachhi pyaz lahsoon mooli adrak tambaco bidi ka estemal na karay to behtar hain ya phir likhtay waqt ye khyal rakhay ki koi aesi bu munh say na aaen.

KHUD K ISM E AAZAM SAY MASAEL KA HAL KHUD KARAY:

khud k ism e aazam ka ek aam aur aasan sa qaeda likh raha hun.es tareeqay se aap agar esay wird me rakha karaengay to insha Allah aapkay har masael ka hal hota rahega.
tareeqa yun hain ki aap apnay nam k aadad qamry hasil karay.
ab dekhay ki kitnay aadad hain..?aur phir dekhay ki Allah taala k naamo say koi aesa ism hain jo aapkay nam k aadad k barabar aadad rakhta ho?agar mil jaen to behtar hain warna ek ya do asma k aadad mil kar aapkay nam k aadad k barabar ho jaen to wo asma lay saktay hain.
ab jab aap en asma ko hasil kar chukay to aap rozana ek waqt muqrrar rakh kar es asma ko apnay nam k aadad ko do guna kar awwal o aakhir durood e pak 11-11 martba k sath parha karay.
awwal 40 din me aapko fark na bhi maloom ho lekin esay chhoriye nahi mamool banalay insha Allah aapko dhiray dhiray eskay fawaed nazar aanay lagaengay....!
ab main yahan ek mishal likhta hun.jaisay kisi Imran nami shakhs ko apna ism e aazam maloom karna hain....
عمران me 5 huroof hain...
ع = 70
م = 40
ر  = 200
 ا= 1 
ن = 50
total aadad 361 huvay.
Asma e elahi me 361 aadad rakhnay wala koi ism na mila to mainay do asma uthaye kiyu k un dono asma k aadad milanay se 361 ho jata hain....
لطییف Lateef =129
کبیر Kabeer = 232
129+232 =361.

ummid hain aapko samj aagaya hoga.har ek masael k liye aap apnay ism e aazam ka wird kar hal hasil kar saktay hain.

main apnay course me karib 12 mukhtalif tareeqo say ism e aazam hasil karna sikhata hun jo ki ilm jafar ilmul aadad ilmul najoom ki roshni me aur kuch khas tareeqay hain jo khas maqsad k liye hain.
Abjd Qamry k liye aap meray es blog post se madad lay saktay hain....

http://rohanifaalnaama.blogspot.com/2015/01/ilhaami-faalnaamaasma-ul-husna.html
aap online apna ism e aazam maloom karna chahay to ek site likh deta hun jo aapkay liye aasan kardaegi.
https://ismeazamonline.org/ 

GHAR ME DAULAT KHINCHNAY KA EK AAZMUDA TOTKA:

Ye Totka Mera Aazmuda Nahi Hain Lekin Meray Dosto Ka Aazmaya Huva Hain Aur Unko Bahot Faeda Huva Hain..Kai Martba Aesa Hota Hain Ki Barhay Aamal Wazaef Naqoosh Loh Kam Nahi Deti Aur Koi Chota Sa Totka Kam Kar Jata Hain.Ye Totka Waisay To Kisi Bhi Din Kar Saktay Hain Lekin Behtar Hain Ki Aap Itwar Ya Peer Ya Jumerat Ko Karay.

Karna Ye Hain Ki Upar Likhay Teeno Din Me Kis Bhi Din Aapko Kahin Bhi Zamin Pe Parha Paisa Yani Wo Ek Rupya Ho Do Ho Ya 5 Rupay Ka sikka[coin] Ho Usay Dekhay To Uskay Upar Apna sidha Pair Rakh De Aur Aap Dil Me Sirf Ek Martba 

Money On The Floor,Money At The Door

Itna Parh Kar Wo Koi Bismillah Sharif PArh Kar Uthalay Aur Apni Jeb May Rakhlay Purse Me Rakhay Ya Behtar Ye Hain Ki Esay Kisi Kapday Me Lapayt Kar Apni Tijori Ya Jahan PAisa Vigera Rakhtay Hain Wahan Rakhday.

Bas Totka Ho Gaya Ab Intzar Karay Aur Nazar RAkhay Kaisay AApko Dhiray Dhiray Aamdani Honay Lagti hain Aur Phir Apnay SamarAli KO aur Murshid e Pak ko Apni Duaon MeYad Rakhyega...!

SHAB E QADR 27VI SHAB RAMZAN KA AMAL >HAR DARD KO DUR KARNAY K LIYE:

Mah e Ramzan k 26ve rozay k din guzar kar jo 27v shab aati hain wo Shab e Qadr hain.yani Qadr wali rat hain.aur esi rat me qalam e elahi Quran e kareem nazil huva hain.barhi azmat wali rat hain.es rat me zikr o ibadat o azqar ki kasrat karni chahiye aur main apnay course members ko bhi kuch wazaef es rat k mutaliq deta hun.
ye amal meray blog reader ko ek rohani tohfa k taur pe de raha hun.ummid hain es tohfay k iwaj aap meray murshid e pak aur muj gunahgar ko bhi apni duaon me yad rakhaengay.

amal yun hain ki shab e qadr ki rat me bad e isha w taraweeh se lay kar puri rat me kisi waqt me aapko ye amal karna hain jo amal hain wo yun hain....
ye jo huroof hain abjd arbi k char huroof hain aur en hi huroof se kam liya jaega.aur jo amaliyat me asar se mayoos hain ya munqir hain wo bhi ye amal karay aur khud tajorba karay ki amaliyat me kiya asar hain.ye to sirf 4 huroof hain.puri abjd aur puray qalam e elahi ki kiya taseer hogi...?

ا ب ت ث
(Alif,be,te,se)
 sarson k tel pe 1100 martba parh kar dam karlay.11-11 martba durood e pak parhlay.aur jab
bhi kisi ko kisi bhi tarha ka dard ho malis karwaye dard dur ho
jaega.esi tarha aap 111 martba parh kar dam karaengay to bhi dard dur
ho jaega.aur mariz se kahay ki rat ko sotay waqt 2-2 katray dono kaan
me daalay.

Dard bhi jata rahta hai aur aisy mariz jisay dawa asar n karti hun
aunhay kan me tel dalwaye aur dard ki jagah malis karwayen.hairatnuma
faeda hoga.
ye amal ek saal tak kam dega.dubara jab aaenda saal shab e qadr aaen to dubara amal ko karna hain.
zakwat k bad 111 martba parhtay rahay to behtar hain.aur parh kar
tel pe dam kardiya karay.ye amal mera aajmuda hain aur aaj bhi main
kaam leta hun.

#HAR HAJAT BAR LANAY WALA SU.YASIN SHARIF KA KHATM

Ye Khatm Sharif Barha Hi Lajawab Aur Bekhata Hain.Har Jaez Hajato K Panay K Liye Aapko Es Khatm Sharif Ka Wasila Banaana Hi Chahiye.Aur Barha Aasan Bhi Hain Aur Har Koi Kar Bhi Sakta Hain.Philhal Meri Tabiyat Sahin Nahi Hain To Sirf Ye Khatm Ki Tarkeeb Likh De Raha Hun Aur Koi Bat Na Samj Aaen To Mail Kar Puch Lijyega.haziraat92@gmail.com.Ye Khatm Mainay Kuch Bahno Ko Bataya Tha Aur Wo Ronay Walay Hans Kar Muskurakar Lautay Aur Apnay Samar Bhai Ko Dua Day Kar Gaye Hain.

TARKEEB …. Ye Hain Ki Aesi Jaez Murad Jo Puri Nahi Ho Rahi Hain To Aapko Chahiye Ki Kuch Mard Hazraat Ya Khwateeno Ko Dawat De Ki Wo Aapkay Ghar Khatm Sharif Parhnay K Liye Aaen Aur Ye Khatm Sharif Aapko B,roz Jumua Asr w Magrib K Darmiyan Rakhna Hain.

Jagah Ko Dho Kar Pak Karlay Aur Loban Ki Dhuni Ya Agarbattiya Jala Kar Khushbunuma Kar Liya Jaen Aur Pak Bichhona Bichhaya Jaen Aur Tamam Mard Ya Khwateen[ye khatm khwateeno ko karnay me aasan rahta hain] Jo Pak Saf Halat Me Pak Saf Libas Pahan Kar Bawuzu Aaen Aur Sab Mil Kar 65 Martba Surah e Yaseen Sharif Parhay.Aur Jab Parhnay K Baad 500grm Chawal K Zarday Pe Fateha Khwani Panjtan Pak Aur Muakkilan e Surah e Yaseen Sharif Ki Nazr Ki Jaen Aur Jis Maqsad K Liye Ye Khatm Sharif Rakha Gaya Hain Wo Dua Mangi Jaen. Phir Sabhi Hazirin Ko Wo Zarda Taqseem Kardiya Jaen Aur Wo Wahin Baith Kar Sab Kha Lay Apnay Dehlij Se Bahir Layjanay Ki Manaahi Hain Koi Bahir Na Lay Jaen Wahin Baith Kar Kha Liya Jaen Aur Ek Dana Bhi Nichay Parhaa Na Rahay Wo Bhi Utha Kar Khalay Aur Eskay Baad Dubara Sab Mil Kar Sahib e Khana K Haq Me Murad Hasil Honay K Liye Dil Me Sab Dua Mangay.

Bas Ek Khatm Sharif Khatm Huva Ab Dusray Jumua Ko Bhi Thik Esi Tarha Khatm Karwana Hain Aur Tarkeeb Sab Pahlay Jumua K Mutabiq Hi Hain Lekin Sirf Zarda Es Bar 750grm Chawal Ka Pakaya Jaega.Aur 65 Hi Yasin Sharif Parhay Jaengay.

Bas Do Jumua Khatm Parhay Jaen Phir Tisra Khatm Tab Tak Na Parha Jaen Jab Tak Aapki Hajat Puri Na Ho Jaen.Aur Jab Hajat Puri Ho Jaen To Jumua Ko Hi Khatm Karwana Hain Aur Tamam Tarkeeb Waisay Hi Rahegi Lekin Zarda  Hain Wo Sawa Kilo Chawalo Ka Rahega.

Yun Aapko Teen Khatm Karnay Hain Aur Insha Allah Do Khatm Karnay K Bad Aapki Hajat Zaroor Puri Hogi Hi.Agar Pahlay Khatm K Baad Aur Dusray Jumua K Darmiyan Hi Hajat Puri Ho Jaen To Bhi Teen Khatm Karlay Aur Zarda Bhi Jaisay Bataya Hain Waisay Wazan K Chawalo Ka Pakaya Jaenga.

Marz Se Shifa,Tangdasti Berozgari Taraqqi Shadi Kamyabi Jaisay Tamam Jaez Maqsad K Liye Barha Pur Taseer Khatm Sharif Hain Zaroor Karay Aur Digar  Bahan Bhaiyon Ko Bhi Eski Targeeb Dilayi Jaen Aur Sawab e Zaariya Hasil Karay.