RIZQ ME BARKAT

RIZQ ME BARKAT KA DUSRA AMAL:
es daur me kai aisay hazraat hain jo din raat mahnat kartay hain apnay biwi bachon khandan k liye din raat ek karkay uskay liye aasaniya paida karnay ki koshish me lagay rahatay hain.sach ye ek jehaad hi hain.es daur me halaal rozi kamaana aur ussay apnay ahl o ayaal ka pet bharna bahot barhi baat hain aur aisay ashkhaas kabil e daad hain.aksar aisay hazraat din raat mahnat kartay hain par phir bhi kami rah jati hain.ye amal aisay hazraat k liye hain jo mahnat kartay hain.kyu k aaj kaal dast e ghaib ka talabgaar chaaron aor nazar aarahay hain par mahnat walay nahi.ye amal us mahnat kash mard momin k liye hain.jo uski kami pur karaega.kyu k wo mahnat to kartay hain par rohani amaliat se faeda nahi uthatay.sab se zaroori to ye hain ki duniya ki mahnat me aakhirat khali na rahay.esliye namaz salat ki bhi pabandi rakhay taki dono jahan me kamyabi hasil ho.
ab amal likh raha hun...
namaz e fajr se ekad ghanta pahlay kharay ho jaen aur zarooriyat se farig ho kar khulay sar aasman k nichay aisay kharay ho ki sar par koi chhat ya dusra saaya na ho.3-3 baar durood e pak k sath 
300 martba ye aayat e karima parhay....
وَفِي السَّمَاء رِزْقُكُمْ وَمَا تُوعَدُونَ 
Wafee alssamai rizqukum wama tooAadoona

 Az-Zariyat>22.
sirf 13 din karkay dekhay agar fark mahsoos ho raha hain to 3 chillay karlay aur phir rozana b,ad e fajr sirf 25 martba wird me rakhay.
inshallah es rohani amal se aapko gaibi imdad[roohani madad-spiritual support] milaega aur aap khud hairan rah jaengay ki kahan se aur kaisay kaisay aapko barkatay hasil ho rahi hain.

HAR MURAD PURI HOGI:

HAR MURAD PURI HOGI:
Tamaam murad aapki puri hoti rahay aur aapko kisi ka mohtaj na hona parhay eskay liye ek wazifa bataa raha hun.insha Allah essay aapki har murad puri hoti rahaegi aur aapko koi alag wazaef es maqsad k liye karnay ki zaroorat na hogi.
Quran e kareem ki 15vi surah SURAH  E HIJR ko har itwar ko b,ad e fajr 13 martba parha karay.insha Allah har aarzoo puri hoti rahaegi.

KHAUF SE NIJAAT

KHAUF SE NIJAAT:
Agar aapko koi anchaha khaur sataa raha hain aur kisi bhi dawa se thik nahi ho raha hain aur har waqt haavi rahta hain to ussay nijaat hasil karnay k liye main rohani amal likhta hun,insha Allah zaroor faeda hoga aur dar khauf dur ho jaega.
 
ﯾﺎ ﻣﻘﯿﺖ
Ya muqeetu
ism elahi hain aur uska maana hain taqt denay wala.aur aadad hain 550.
jab kisi baat ka dar ya khaur dil me baith gaya ho to gulab ya kisi bhi khushbudar phool le aur uspay ye ism e elahi ko 100 bar parh kar dam karay,11-11 durood e pak k sath aur esay sunghtay rahay.jab sukh jaen to kisi mahfooz jagah esay dal de taki be adbi na ho.es rohani amal se insha Allah dhiray dhiray aapkay dil ka ye sataata huva dar ya khauf dur hota jaega.
mukammal shifa tak amal jari rakhna hain.
 

BHAGAY HUVAY KO WAPIS BUALANAY K LIYE:

BHAGAY HUVAY KO WAPIS BUALANAY K LIYE:

Ghar se agar koi bacha ya bachi ya koi apna chala gaya hain.ya kisi k bahkaway me aakar aapsay dur chala gaya hain to usay rohani amal k zariye wapis bualaya ja sakta hain.aur aisay amal mainay bahot choti umr me dekhay aur amal bhi.
huva ye tha ki hamaray ek rishtedar kahin chalay gaye the aur koi khabar nahi thi kahan hain.tab hamaray barhon ne kisi se taweez banwaya tha aur usnay charkhay me bandh kar ulta ghumana kaha tha.ab rozana ye kaam ham ek do bachon ko sop diya gaya tha ki charkhay ko ham ulta ghumatay rahay.aur ye kaam to ham sab ko bahot pasan aata tha aur barhi dil chashpi dikhatay kartay the.jab bhi waqt mila ghumanay baith jatay.
ab maloom to nahi par kai dino bad wo wapis aaye the aur sab thik ho gaya tha.
Ab wo amal kya tha wo naqsh tha ya kya tha wo mujay maloom nahi par mere pas aisa hi ek amal hain to main aap sab blog reader k liye likh raha hun.mumkin hain ki kisi apnay se milan k liye ye mera amal aur Allah ka kalaam wasta banjaen....

amal ye hain ki Allah ki zaat par bharosa kartay huvay ek kagaz k tukday pe kisi bhi qalam ya pen se ye aayat likhay ya likhwalay aur uskay aagay jo bhag gaya hain ya chala gaya hain uska naam m,walida likhay.
فَرَدَدْنَاهُ إِلَى أُمِّهِ كَيْ تَقَرَّ عَيْنُهَا وَلَا تَحْزَنَ وَلِتَعْلَمَ أَنَّ وَعْدَ اللَّهِ حَقٌّ وَلَكِنَّ أَكْثَرَهُمْ لَا يَعْلَمُونَ 
su.Qasas>13
ab esay kisi soot kaantnay k charkhay [ratiyo] me bandhay aur usay ulat gumatay rahay.agar ratiyo nahi hain to aap apni cycle k pichhlay wheel k taar me bandh de aur usay ulat ghumatay rahay.
rozana kitna ghumaya jaen ye tadad muqrrar nahi.par kam se kam sub'ah sham 5-10 minutes tak zaroor ghumatay rahay.
inshallah essay jo bhag gaya hain wo baichain hoga aur dil me wapsi ka khyal siddat pakadta jaega.
40 din ki muddat hain,muddat tak amal karay aur ab bhi kaamyabi na hui hain to pura amal dubara tayyar karkay karay.inshallah Allah ka kalaam hain zaroor asar bataega.