MAAH E MUHARRAM SHARIF KA ANMOL AMAL:

YAAD E HUSAIN GHAM E HUSAIN SE ANKHON KO CHHALKA LIJIYEGA....!

mah e muharram ki pahli tareekh ko jo shakhs 313 martba 'Bismillah hir rahman nir raheem' likh kar kisi haray[green] reshmi kapday me momjama karkay rakhaega to inshallah saal bhar koi aafaat ya bala me mubtila na hoga,bismillah ki barkat se aur Allah ki ata se har aafat w bala se aman o amaan me rahaega,kai jagah 113 martba bhi likha hain,par mere murshid 313 batatay hain,dono me se jo chahay likh saktay hain.
aur ashura yani 10 muhrram k din sufaid kagaz pe bismillah hir rahman nir raheem ko 625 martba likhay to logon k dilo me  izzat barhay,dusman k dilo me khauf paida ho aur koi jinn aseb jadoo espay na chalay,na kabhi kisi ka motaj ho.
main ye taweez har saal tayyar karta hun,main esay faoutan pen me zafran yellow food color aur arq gulab ki siahi bhar kar likhta hun,aur nek saat dekh kar likhna shuru karta hun.aapko jobhi acha lagay estemal karay.
aur dono amal me bagair airab k hi likhna hain.rijalul ghaib ka khyal rakhana hain.
phir esay haray reshmi kapray me monjama karkay pahnay ya apni sath rakhay.aur haftay me ekbar loban ki dhuni detay rahay.inshallah aapko bahot hi faeda nazar aaega,es amal ko pak saf haalat me badan pe khushbu laga kar tayyar karay,
mera dava hain agar ye amal aapnay karliya to phir aapko kisi loh e mushtary ki bhi zaroorat nahi parhaegi.bas bismillah ki qadr karay.agar aapnay eski zakwat bhi ada ki hain to phir sonay pe suhaga hain.

koi paichida amal nahi ekdam aasan hain aur zahan se sawal paeda kiye bagair amal karay Allah jaroor kamyab karayga.

BARKAT KA TOTKA:

Aaj k daur me har insan parayshan hain,maali parayshanian ki wajah se adna se aala tak parayshan hain.wajah to fizul kharchi w aamdan se ziada kharch bhi hain.pahlay wajah ko talash karo phir elaj karo.kana'at sab se barhi daulat hain.aur jiskay pas ye daulat hain wo duniya ka sab se daulatmand insan hain.
khair duniya ki har parayshaniyon ka hal hamaray buzorgan ne hamay ata kiye hain.mujay aksar  tangdasti ka koi hal bataye aisay mails aatay hain.mainay mere es blog pe kai aisay aasan hal ya amal mere readers k liye likhay hain.aur main ziadatar qarzdar ya tangdasti k shikar ko ek hi aasaan elaj batata hun jo kmujay mere murshid ne bataya tha aur mera mamool hain agar wo na mere hath hota to sach me bhi kisi amil ya babaji se apni tangdasti ka elaj puchhta phirta,mere murshid ka crororo ahsaanat hain muj hakeer par.mere murshid ne mujay bataya tha ki din rat me jitna ho sakay utni ziada se ziada tilawat su.waqiya sharif ki kiya karo kabhi mohtaj to na rahogay par mohtajo k madadgar banjaongay.aaj me khud es ka mushahida kar raha hun ki mere sarkar k karam ne mujay kisi k aagay hath failanay ki nobat nahi aanay di hain.eskay elawa mujay ek tasbeeh ata ki jisay main rozana fajr k b,ad 100 martba parha karta hun wo su.yusoof ki aayat  hain...
 'WAALLAHU GHALIBUN AALA AMRIHI' 
bas ye do mere mamulat mere saray mamlat pe havy hain.
yahan mujay jo amal pesh karna hain wo bhi lajawab hain aur mere tajorbay me ekdam sahih utra hain.inshallah esay bhi aap sabhi zaroor tayyar karay aur parhayi karkay rohani quwat amal me bhar kar faaeda uthaye.
TARKEEB:
Ek bilkul nayi dibbi le chahay to metal ki ho ya chandi ki ya lakday ki.usmay khub aala qism ka itr andar lagaya jaen aur ek ruyee pe bhi itr lagakar under rakhde.ye amal kisi bhi mah ki pahli ya dusri jumerat ko kar saktay hain,ha qamar dar aqrab na ho.
Ab apnay mulk ka ek rupee ka coin le aur usay gulabjal se achhi tarha dholay aur loban ki dhuni de de.phir uspay zafran w arq gulab se arbi me محمّد muhammad likhay.esay phir loban ki dhuni de aur dibbi{small box} me rakh kar band karday.
Ab es dabbi pe 1000 martba 
 يا مغنىُ يا غنى
ya mughneeyu ya ghanee
parhkay dam karday.
Es dibbi ko jahan rupay paisay rakhtay hain,wahan rakh de.es dabbi pe ye amal har jumerat kiya jaen.inshallah puri zindgi kisi k mohtaj na hongay.
dam har jumerat karna chahiye aur kisi jumerat rah jaen to koi bat nahi.par har jumerat koshish karay to behtar hain.
amal se awal o aakhir 11-11 durood e pak zaroor parhay.
koi sawal ho to mails se puchlay.
haziraat92@gmail.com

EID MUBARAK...!

ASSALAMUALAYKUM,
W EID MUBARAK...!

    AAP SABHI MERE AUR MERE MURSHID K HAQ ME DUA FARMAEN...!
AUR MAIN DUA KARTA HUN KI ALLAH APNAY HABEEB W USKI AAL K SADQAY AAP SABHI KO HAR BURAYI AUR HAR BALA SE MAHFOOZ RAKHAY,IMAN IZZAT K SATH DONO JAHAN KI BHALAYIYA NASHEEB HO AUR AAPKO AAPKI FAMILY KO HAR BALA AAFAT W BURI NAZAR SE APNAY AMAAN O HIFAZAT ME RAKHAY...!
AMEEN AUR EID K DILI MUBARAKBAD...!

GRAHAN:HIFAZAT KA NAQSH:

ES NAQSH KO KISI BHI GRAHAN K WAQT KISI BHI SIAHI SE LIKHLAY AUR PAHANLAY,INSHALLAH HAR AAFAT ARDI W SAMAVI SE ALLAH KI PANAH ME RAHAENGAY.KHUD BHI PAHANY AUR APNAY FAMILY MEMBERS KO BHI TAYYAR KARKAY DE SAKTAY HAIN.
CORNERS K NUMBERS NAQSH KI CHAAL K LIYE HAIN,ASAL NAQSH ME NAHI LIKHNA HAIN.LIKHTAY WAQT AGARBATTI KHUSHBOO K WASTAY JALAYI JAEN.BAWUZU LIKHAY.

 

Suraj Grahan :ZUZVI SHAMSI GRAHAN 

Date : 30/04/2021 [30 ka din guzar kar rat aaen us rat say]

Ibtida :rat 12:15:49 a.m.

Mukammil : 01/05/2022 ko 02:17 a.m.

Khatim : 01/04/2022 04:07 a.m.

Ye grahan india pak bangladesh may nazar nahi aaega.ulma e rohaniyat ki raaye hain ki grahan nazar na aaen phir bhi amaliyat zakat vigera ko anjam de saktay hain.