AASHURA KI RAAT KA AMAL:

Ye amal jo bhi karaega jis nek maqsad se karaega insha Allah wo maqsad ya hajat ek saal k andar andar puri hoti hain.jaisay koi berozgar hain ya koi taraqqi ka khawaeshmand hain ya koi khud ka makaan chahta hain to koi qarz se nijat chahta hain,koi aurat aulad e narina yani beta chahti hain to koi parayshan maa apnay betay se mulakat chahti hain to kisi ki shadi ka mas’ala hain.garz har aisay mas’alay jiska hal mahnat w koshish k bawzod na hal ho raha ho to buzorgan e deen ka ata karda aur aapkay khadim SamarAli k  murshid ka bhi bataaya huva aur mera khud ka meray doston ka aazmaya huva ye amal likh raha hun.aur insha Allah ahlay bayt k faizan se aur meray murshid Aulad e Gaus e aazam k sadqay se aapki hajaat zaroor puri hogi.

TAREEQA:

Ek dam sahal hain.bas aashura ki raat yani 9vi muharram ka din guzar kar jo raat aaen us raat ko bad e isha gusl karay aur apak saaf kapday pahanay aur bawuzu ho kar Allah k paak kalaam yani quraan e karim ko lay kar pak saaf jagah pe ya masjid me baithay.

Pahlay to do rakaat salatul hajat parhay.aur har rakat me surah e fateha k bad 3 martba surah e ikhlas parhi jaen.aur maqsad ki dua mang kar.

Kalaam e elahi ko bismillah kah kar kholay aur surah fateha k upar jo bhismillah sharif likhi hain wahin se shuru karay.bismillah ki Be pe kalmay ki ungli[index finger] rakhay aur bismillah parhtay huvay ungli ko us satar[Line] pe phertay huvay bismilah ki aakhri meem pe lay jaen ab yun karna hain ki alahamdu sharif ki pahli alif pe kalmay ki ungli rakhtay huvay bismillah parhtay huvay ungli us satar[Line] k aakhri harf pe lay jaen.esi tarha uskay bad ki satar pe pahlay harf pe unli rakhtay huvay ungli phertay aakhri har pe lay  jaen aur har satar pe ungli phertay huvay

 bismillah hir rahmanir raheem parhtay jaen.

Ek dam aasan hain aur har satar pe ungli phertay jana hain aur bismillah hir rahmanir raheem parhtay jana hain.aisay kalaam e pak k har saffay pe karay yahan tak ki pura qalam yaani surah e naas ki aakhri Seen pe khatm ho.

Apnay shuru bismillah sharif k Be se kiya tha aur khatm Seen pe hoga.

Yani Be aur seen

 ب س

Yani بس

Bas.

Bas aapki hajat bhi Allah k darbar me pahoch jaegi aur B,faizan e Bismillah qubool bhi ho jaegi.

Mumkin hain aapki hajat fauran puri ho jaen ya kuch din me ya kuch hafton me ya kuch mahino me lakin Allah ne chaha to zaroor zaroor puri hogi.bas,uski rahmat se mayoos na ho aur dua k hathyar se apni musibaton se jung karon.

*es tarkeeb me karib 2-3 ghantay lagtay hain.

aur ek nashist[one sitting]me parhay to behtar hain warna do teen waqfay se bhi parh saktay hain.jaisy jiski quwwat.

Agar en ghamon se bharay huvay dino me kisi ko ye khadim b,waqt e dua yaad aajaen to zaroor shamil e dua karlijyega.

EK MUHARRAM SHARIF KA AMAL:HIFAZAT az AAFAT W MASAAEB

Ahlay bayt e athaar ki yaad manaanay ka aur unhi k gham me dub kar apnay liye nijaatnaama hasil karnay ka sunahra mauka yani maah e muharram sharif es maah ka ek ek din aashiq e ahlaybayt k liye aur jo rohani aloom k khwaeshmand hain unkay liye kimmati hain.meray murshid farmatay hain jisnay muharram k 10 din ki qadr karli usnay saal bhar ki kaamaayi karli.
yahan main saal bhar k liye aafaat baliyat w masaaeb se hifazat hasil krnay k liye tareeqa likh raha hun.esay apnay liye tayyar karon apnay biwi bacho k liye tayyar karo aur ahbaab ko bhi bataaon taki wo bhi faeda hasil karay.
muharram ki pahli chand ko aapko 113 martba 
bismillah hir rahaman nir raheem ko sufaid kagaz pe likhna hian.behtar hain ki zafran w arqgulab ki siahi se likhay.zafran na milay to khanay ka jo zard rang hain unsay likhay ya phir jo bhi mayassar aaen unsay likhlay.aur likhtay waqt chand agarbattiya bhi jalaye aur likhnay se pahlay agar do rakaat namaz nifl parh kar ahlay bayt ko nazr karday to bahot hi aala hain aur amal ko tayyar karnay k bad kuch shirni pe bhi fateha de kar ahlay bayt ko nazr karay aur bachon ko baant de.
aur jis kagaz pe bismillah sharif likhi hain usay haray reshmi kapday me lapayt kar achhay se pack karkay galay me pahlay.
bismillah sharif bagair airab likhni hain yani zair zabbar pesh laganay ki zarorat nahi.
بسم اللہ الرحمن الرحیم

*muharram ka ek aur amal meray esi blog me hain usay bhi dekhlay......
http://rohaniamliat.blogspot.in/search/label/maah%20e%20muharram%20k%20amaliyat

EID UL AZHA MUBARIK HO....!

AAP SABHI KO EID UL AZHA MUBARIK HO...!